Maria varð elsta kona heims í janúar 2023 þegar hin franska Lucile Randon lést 118 ára gömul.
Óhætt er að segja að hún hafi lifað tímana tvenna og séð ýmislegt. Hún var sjö ára þegar fyrri heimsstyrjöldin braust út og 11 ára þegar spænska veikin byrjaði að láta til sín taka og dró að lokum milljónir til dauða. Þá var hún komin vel á fullorðinsár þegar seinni heimsstyrjöldin og spænska borgarastyrjöldin brutust út.
Maria fékk Covid-19 árið 2020, skömmu eftir að hafa fagnað 113 ára afmæli sínu, en náði fullri heilsu.
Eftir dauða Mariu er hin japanska Tomiko Itooka elsta núlifandi kona heims. Hún fæddist þann 23. maí árið 1908 og er rúmlega 116 ára gömul.