Live Science segir að NASA hafi boðið SpaceX 843 milljónir dollara fyrir að ýta geimstöðinni örugglega af braut sinni og til jarðarinnar.
Ætlunin er að sérhannað far frá SpaceX muni draga geimstöðina til jarðar einhvern tímann á næsta áratug en reiknað er með að stöðin verði ekki starfhæf eftir 2030. Geimstöðin mun síðan skella á gufuhvolfinu á 27.500 km/klst og lenda í sjónum.
Fyrstu hlutarnir í geimstöðina voru sendir á loft 1998. Frá 2000 hafa geimfarar frá Bandaríkjunum, Rússlandi, Kanada og Evrópu dvalið þar. Þeir hafa lokið rúmlega 3.300 vísindarannsóknum um borð.
En aldurinn er farinn að setja mark sitt á stöðina, tæknibilanir og lekar gera áhöfninni lífið leitt og samningar geimferðastofnanna fimm renna út 2030.
Geimstöðinni stafar einnig ógn af sífellt meira geimrusli sem er á braut um jörðina.