Nú hafa vísindamenn fundið nýja leið til að taka við þvagi geimfaranna og breyta því í drykkjarhæft vatn á nokkrum mínútum. Live Science skýrir frá þessu.
Fram að þessu hafa geimfararnir létt á sér í einnota bleiur sem eru innan í geimbúningunum. Þessar bleiur draga þvagið í sig og gera geimförum þannig kleift að létta á sér þegar náttúran kallar.
Þessa bleiur voru hannaðar snemma á níunda áratugnum og því kannski kominn tími á nýja aðferð. Ekki síst í ljósi þess að geimganga getur tekið allt að átta klukkustundir. Svo langar geimgöngur, þar sem þvagi er safnað í bleiur getur valdið því að húð þeirra fer illa út úr að vera í návígi við þvagið og þetta getur einnig valdið sýkingum.
Bleiurnar breyta þvaginu ekki í drykkjarhæft vatn og því þurfa geimfararnir að láta sér nægja 0,95 lítra af vatni í hverri geimgöngu, meira geta þeir ekki haft með sér.
En nú telja vísindamenn sig hafa fundið lausn á þessu vandamáli. Nýtt, létt kerfi sem safnar þvaginu og getur hreinsað hálfan lítra af því og gert að drykkjarvatni á aðeins fimm mínútum.
Kerfið er enn á tilraunastigi en ef það kemst í gegnum það stig þá getur það leyst þvagláts- og drykkjarvatnsvanda geimfara í geimgöngum.