Þetta var ekki draumur eða nostalgíukast, þetta var upphafið á erfiðri ferð fyrir hann og fjölskyldu hans því að á einni nóttu glataði hann öllu minningum sínum um tvo áratugi.
„Hann vaknaði um morguninn og hafði ekki hugmynd um hver ég var eða hvar hann var. Hann var mjög ringlaður. Ég sá að hann þekkti ekki svefnherbergið,“ sagði Ruth Porter, eiginkona hans, í samtali við Daily Mail.
Daniel var svo ringlaður að hann hélt að hann hefði annað hvort djammað all svakalega um nóttina eða þá að honum hefði verið rænt. Það hélt hann vegna þess að þegar hann vaknaði sá hann ókunnuga konu við hliðina á sér í rúminu. Þess utan þekkti hann ekki eiginn spegilmynd.
Hann mundi ekkert eftir Ruth, 10 ára dóttur þeirra eða hundum fjölskyldunnar.
Læknar greindu hann með Transient Global Amnesia en það er ástand þar sem skammtímaminnið hverfur skyndilega, þó venjulega bara í skamman tíma.
Eins og gefur að skilja var minnisleysi Daniels erfitt fyrir fjölskylduna og eins og Ruth lýsti því þegar hún talaði um hjónaband þeirra: „Þetta er undarlegt, því ég er í gömlu sambandi en hann í nýju.“
Læknar telja að margir þættir hafi valdið því að Daniel missti minnið, þar á meðal eru atvinnumissir, fjárhagsvandræði og áverkar á baki.