Esme E. var sjötugur kráareigandi í Þýskalandi sem rak krá í þorpinu Kressbonn, rétt við Bæjaraland, meðfram stöðuvatninu Bodensee. Á mánudagskvöld fannst lík Esme við hliðina á kofa rétt við fljótsbakkann, á leiðinni á milli þorpanna Kressbonn og Nonnenhorn.
Þetta er rétt rúmlega eins kílómeters leið sem Esme gekk hvert einasta kvöld heim til sín til Nonnenhorn eftir lokun kráarinnar. Gönguferðin tók um korter en undanfarið hafði Esme ekki notið kvöldgöngunnar heldur hafði verið mikill beygur í henni. Ástæðan var sú að hún taldi sér vera ógnað, ekki síst eftir að brotist var inn á heimili hennar og þar ruplað og rænt.
Bild greindi frá.
Lögregla hefur enn engan handtekið vegna morðsins en leggur allt kapp á að upplýsa málið. Tuttugu lögreglumenn vinna við rannsóknina sem enn hefur engu skilað.
Svæðið í námunda við fljótsbakkann er vinsæll ferðamannastaður í Þýskalandi. Bæði íbúar þorpanna og ferðamenn eru skelfingu lostnir vegna morðsins og konur þora ekki að vera einar á ferli, a.m.k. ekki eftir að skyggja tekur.
Bicanca Wollenburg dvelst í orlofsíbúð á svæðinu ásam 15 ára syni sínum, Justin. Hún sagði við Bild: „Við höfum komið hingað í átta ár og þekktum Esme vel. Eftir dauða hennar þorðum við ekki út úr íbúðinni í tvo daga.“