Í júlí árið 2000 hvarf hinn 23 ára gamli Mark Corley af yfirborði jarðar. Rúmlega fimm mánuðum síðar, þann 13. desember 2000, fannst lík hans nærri bóndabæ einum, fjarri alfaraleiðar, og þá kom í ljós að hann hefði verið skotinn til bana. Um var að ræða hrottalegt morð sem lögreglan lýsti í raun sem aftöku.
Þrátt fyrir að fimm einstaklingar hafi verið handteknir og þeir ákærðir fyrir moðið þá sluppu þeir út af ótrúlegu klúðri lögreglunnar. Lögreglumenn hleruðu hina grunuðu sakborninga án þess að hafa fengið nauðsynleg heimild til þess. Það gerði það að verkum að dómari ákvað að vísa málinu frá.
Faðir Marks, hinn sjötugi Tony Corley, hefur í nær aldarfjórðung velt sér upp úr málinu og reynt að ná fram réttlæti fyrir son sinn. Hann hefur maður annars boðið upp á verðlaun. rúmlega 3 milljónir króna, fyrir hvern þann sem gæti gefið upplýsingar sem myndu leiða til sakfellingar morðingjanna.
Hann var nánast búinn búinn að gefa upp alla von en á dögunum, 24 árum eftir ódæðið, barst Tony skyndilega tölvupóstur sem umturnaði lífi hans að nýju. Um var að ræða nafnlausan póst þar sem einstaklingur kvaðst vita hver bæri ábyrgð á morði Marks og hefði mögulega sönnunargögn sem leitt gætu til sakfellingar. Viðkomandi sagðist þó enn vera tvístígandi með að koma fram með upplýsingarnar og yrði í sambandi síðar.
Eins og gefur að skilja varð Tony afar æstur út af þessari vendingu í málinu. Hann fór með upplýsingarnar þegar í stað til lögreglu og þar tókst að rekja tölvupóstinn til ákveðins einstaklings. Þegar lögreglan hafði upp á þeim aðila kom í ljós að miklar líkur væru á því að hann hefði sannarlega upplýsingar um málið en viðkomandi væri logandi hræddur við gerendurna og þyrði ekki, að svo stöddu, að gefa upplýsingarnar. Ekki var hægt að neyða þennan einstakling til þess að gefa upp nafn morðingjans og Tony er því enn enn á ný kominn í öngstræti.
„Ég hef eytt 25 árum ævi minnar í þetta mál, en að minnsta kosti get ég sagt að ég hafi reynt allt mitt til þess að ná fram réttlæti fyrir Mark. Ég verð aldrei samur maður eftur þetta en maður þarf bara að bíta á jaxlinn og taka einn dag í einu. En mál hefur gert það að verkum að ég er mjög bitur maður enda upplifði ég algjöra örvilnun. Ég hef fælt frá mér félaga og ástvini útaf skapsveiflunum – þetta hefur haft mikil áhrif á líf mitt, “ segir Tony.
Hann hefur skrifað bók um málið sem ber yfirskriftina „Fleiri spurningar en svör (e. More questions and answers) og er óþreytandi að halda lögreglunni við efnið. Hann hefur ekki gefið upp vonina um að mennirnir sem bera ábyrgð á ódæðinu verði sakfelldir og nú þarf hann að vona að mögulegt vitni finni kjark til að stíga fram.
