Óeirðir hafa brotist út í Leeds. Múgurinn er reiður og hefur komið til átaka við lögreglu.
Múgurinn velti meðal annars lögreglubíl, og hafa kveikt bál, en óeirðirnar eru að eiga sér stað á götum úti í úthverfinu Harehills.
Myndskeið hafa birst á samfélagsmiðlum þar sem lögregla reynir að ná stjórn á aðstæðum en endar með að flýja undan múgnum.
Ekki liggur ljóst fyrir hvað olli óeirðunum en talið er að það megi rekja til að aðgerða félagsmálayfirvalda sem höfðu afskipti að barnafjölskyldu þar sem eitt eða fleiri börn voru tekin frá fjölskyldu sinni.
Börnin munu vera óhult sem og fulltrúar félagsmálayfirvalda.
Fjölmennt lið lögreglu er á svæðinu að reyna að hemja múginn. Að svo stöddu er ekki vitað til þess að nokkur hafi slasast í átökunum. Lögregla hefur nú sett upp veglokanir og fólk er beðið um að halda sig innandyra.
