fbpx
Laugardagur 31.ágúst 2024
Pressan

Vafasamur leikur hafði skelfilegar afleiðingar í för með sér fyrir tvær fjölskyldur

Pressan
Föstudaginn 7. júní 2024 22:00

Zehring er lamaður fyrir neðan mitti eftir að hafa verið skotinn.

Ekki missa af Helstu tíðindum dagsins í pósthólfið þitt

Lesa nánar

Átján ára piltur er lamaður fyrir neðan mitti og karlmaður á sextugsaldri á yfir höfði sér margra ára fangelsi eftir að leikur, sem lögregla hafði varað við, fór illilega úr böndunum.

New York Post skýrir frá þessu.

Leikurinn sem um ræðir, Senior Assassin, hefur notið þó nokkurra vinsælda á samfélagsmiðlum vestan hafs en hann felur í sér að klukka aðra með vatnsbyssum, baunabyssum eða gelbyssum sem skjóta mjúkum vökvafylltum kúlum. Er þetta jafnan tekið upp og birt á samfélagsmiðlum eins og TikTok, Instagram eða YouTube.

Þann 11. maí síðastliðinn var hinn átján ára Anakin Zehring á ferðinni í bíl með tveimur vinum sínum fyrir utan verslun Wailmart í Goddard í Kansas. Þeir komu auga á ungt par sem var á leið inn í verslunina og ákváðu félagarnir að klukka parið. Óku þeir að þeim og skutu í átt til þeirra með gelbyssum.

Parinu var eðlilega brugðið og hafði stúlkan samband símleiðis við föður sinn, Ruben Marcus Contreras, sem var ekki lengi á vettvang. Lýsti stúlkan því sem hafði gerst og kvaðst hún ekki þekkja deili á ungu mönnunum sem skutu á þau.

Stúlkan sá hvar piltarnir gengu inn í verslun Dairy Queen skammt frá og þegar faðir hennar kom á vettvang benti hún honum á hvert þeir fóru. Faðirinn ók bifreið sinni þangað og átti hann í orðaskiptum við drengina áður en hann dró upp skotvopn og skaut að bílnum.

Ein kúla hafnaði í Zehring og slasaðist hann lífshættulega í skotárásinni. Fór kúlan í gegnum kvið hans og tók í sundur mænuna með þeim afleiðingum að Zehring er núna lamaður fyrir neðan mitti.

Contreras var handtekinn þann 15. Maí síðastliðinn og hefur hann verið ákærður fyrir tilraun til manndráps af fyrstu gráðu.

Í frétt New York Post kemur fram að lögregla hafi fyrr á þessu ári varað við leiknum. Sagði lögregla að hætta væri á því að einhver héldi að um alvöru skotvopn og afleiðingarnar gætu orðið banvænar eins og næstum því gerðist í Kansas þann 11. maí síðastliðinn.

Ruben Marcus Contreras hefur verið ákærður fyrir tilraun til manndráps af fyrstu gráðu.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Sat látin við skrifborðið sitt í nokkra daga og enginn tók eftir því

Sat látin við skrifborðið sitt í nokkra daga og enginn tók eftir því
Pressan
Í gær

Fyrrum forstjóri Netflix hvetur fólk til að vinna ekki svona mikið

Fyrrum forstjóri Netflix hvetur fólk til að vinna ekki svona mikið
Pressan
Fyrir 2 dögum

Lík hans fannst í helli árið 1977 – Nú er loksins búið að bera kennsl á hann

Lík hans fannst í helli árið 1977 – Nú er loksins búið að bera kennsl á hann
Pressan
Fyrir 2 dögum

Ellilífeyrisþegi lét innbrotsþjófinn finna hvar Davíð keypti ölið

Ellilífeyrisþegi lét innbrotsþjófinn finna hvar Davíð keypti ölið
Pressan
Fyrir 3 dögum

Deadpool-morðinginn dæmdur til dauða: „Ég hef aldrei séð neinn jafn illan og hann“

Deadpool-morðinginn dæmdur til dauða: „Ég hef aldrei séð neinn jafn illan og hann“
Pressan
Fyrir 3 dögum

Fara fram á dauðadóm yfir þremur Bandaríkjamönnum

Fara fram á dauðadóm yfir þremur Bandaríkjamönnum
Pressan
Fyrir 4 dögum

Meiri líkur á bílveiki þegar ekið er í rafbíl

Meiri líkur á bílveiki þegar ekið er í rafbíl
Pressan
Fyrir 4 dögum

Hún vinnur við að fjarlægja skapahár en eitt neitar hún að gera

Hún vinnur við að fjarlægja skapahár en eitt neitar hún að gera