Lyf sem er notað gegn sykursýki 2 og sem megrunarlyf gæti dregið úr alvarleika kæfisvefns hjá fólki sem glímir við offitu. Þetta gæti orðið til þess að hægt verði að beita lyfjameðferð við kæfisvefni.

The Guardian skýrir frá þessu og segir að lyfið, sem heitir Tirzepatide og er framleitt af Eli Lilly and Company,  geti að mati vísindamanna hjálpað fólki, sem þjáist af kæfisvefni.

Milljónir manna um allan heim þjást af kæfisvefni og margir þeirra hafa ekki verið greindir með hann.

Forstjóri sykursýki og offitu málefna hjá Eli Lilly and Company sagði í samtali við The Guardian að lyfið geti orðið fyrsta lyfið sem gagnast gegn kæfisvefni.

Margir þeirra sem þjást af kæfisvefni notast við vél sem dælir lofti inn í grímu, sem fólkið hefur á sér á meðan það sefur.

Talsmaður lyfjafyrirtækisins sagði að um 70% þeirra sem þjást af kæfisvefni, þjáist einnig af offitu.