Sky News skýrir frá þessu og segir vísindamenn við Portsmouth háskóla og hópur ólympíufara hafi í sameiningu sent frá sér aðvörun um þetta. Segir fólkið að hækkandi hitastig geti orðið til þess að íþróttamenn hnígi einfaldlega niður vegna hita og í verstu tilfellum geti þeir dáið.
Í skýrslu hópsins, sem nefnist „Rings of Fire: Heat Risks at the 2024 Paris Olympics, er hvatt til þess að Alþjóðaólympíunefndin og önnur íþróttasamtök láti til sín taka hvað varðar loftslagsbreytingarnar.
Meðal þess sem lagt er til, er að breyta skipulagi ólympíuleikana þannig að þeir fari fram í kaldari mánuðum eða á kaldari tímum dagsins.
Ólympíuleikarnir fara fram í París þetta árið og hefur franska Météo France veðurstofan nú þegar spáð því að 70% líkur séu á að það verði hlýrra í borginni í júlí og ágúst en venjulega.
Í skýrslunni bera vísindamenn saman muninn á hitastiginu nú og 1924 þegar ólympíuleikarnir fóru síðast fram í París. Niðurstaða þeirra er að nú er hitinn að meðaltali 3,1 gráðu hærri í júlí og ágúst.