Nýlega gekk eldri maður yfir götu í Brooklyn í New York. Hann gleymdi að líta til hliðar áður en hann gekk út á götuna og varð fyrir ruslabíl. Maðurinn, sem var 86 ára, lést samstundis því við áreksturinn missti hann höfuðið.

New  York Post segir að mörg vitni hafi verið að slysinu. Í fyrstu var ekki vitað hver maðurinn var en nú er búið að bera kennsl á hann og reyndist þetta vera Anthony Conigliaro, sem gekk einnig undir nöfnunum „Tony Cakes“ og „Tony the Dessert Man“.

Hann var áður háttsettur innan ítölsku mafíunnar.

„Hann eyddi ævinni í að horfa um öxl sér en gleymdi að líta til beggja hliða áður en hann fór yfir götuna,“ sagði heimildarmaður innan lögreglunnar.

Conigliaro lifði rólegu lífi í lítilli íbúð sinni í Bay Ridge fjölbýlishúsinu við Dahlgren Place.