New York Post segir að mörg vitni hafi verið að slysinu. Í fyrstu var ekki vitað hver maðurinn var en nú er búið að bera kennsl á hann og reyndist þetta vera Anthony Conigliaro, sem gekk einnig undir nöfnunum „Tony Cakes“ og „Tony the Dessert Man“.
Hann var áður háttsettur innan ítölsku mafíunnar.
„Hann eyddi ævinni í að horfa um öxl sér en gleymdi að líta til beggja hliða áður en hann fór yfir götuna,“ sagði heimildarmaður innan lögreglunnar.
Conigliaro lifði rólegu lífi í lítilli íbúð sinni í Bay Ridge fjölbýlishúsinu við Dahlgren Place.