Bandaríska geimferðastofnunin NASA hefur frestað heimkomu tveggja geimfara frá Alþjóðlegu geimstöðinni um óákveðinn tíma. Þeir áttu að dvelja þar í vikutíma frá 6. júní en þurfa að vera öllu lengur í geimnum.

NASA skýrði frá þessu á föstudaginn og segir að ástæðan fyrir frestuninni sé að geimfararnir þurfi lengri tíma til að rannsaka ákveðinn tæknileg vandamál í Boeing Starliner geimfarinu sem flutti þá til geimstöðvarinnar og á að flytja þá aftur til jarðarinnar.

Áður var búið að fresta heimkomunni um 12 daga, eða frá 14. júní til 26. júní. Enn hefur engin dagsetning verið sett fyrir heimkomuna.