Metro skýrir frá þessu og segir að bíllinn, sem Juliana var í, hafi verið stöðvaður vegna umferðar fíla um veginn á miðvikudag í síðustu viku. Þetta var á sjötta tímanum síðdegis. Talsmaður lögreglunnar sagði að fíllinn hafi dregið Juliana út úr bílnum og síðan traðkað hana til bana.
Fílar fara oft um þetta svæði í leit sinni að æti.
Yfirvöld í Sambíu ráðleggja ferðamönnum að fara mjög varlega þegar fylgst er með dýralífi.
Juliana var annar ferðamaðurinn sem dýr banaði í Sambíu það sem af er ári. Í mars réðst fíll á bíl, fullan af ferðamönnum í Kafue þjóðgarðinum. Gail Mattson, 79 ára Minnesotabúi, lést þá. Fjórir til viðbótar slösuðust alvarlega og fjórir hlutu minniháttar áverka.