Þannig er staðan orðin í Lófóten í Noregi en þangað streyma ferðamenn til að sjá fjöll, sjó og norðurljósin. Þetta hefur þær afleiðingar að klósettpappír, saur og bjórdósir eru orðin algeng sjón á svæðinu.
Nú hefur Anders Nilsen, bóndi, fundið leið til að hræða óvelkomna ferðamenn á brott. Dagbladet skýrir frá þessu.
Lófóten er eyjuþyrping í norðurhluta landsins og einn vinsælasti áfangastaður ferðamanna. NRK segir að í síðustu viku hafi metfjöldi bíla ekið um vegina í Lófóten.
Nilsen sagði í samtali við Dagbladet að nú sé komið nóg af ágangi ferðamanna, Lófóten ráði ekki við þann fjölda sem kemur orðið og þetta hafi neikvæð áhrif á þá sem búa á svæðinu. líkti hann ástandinu við það sem er á Kanaríeyjum.
Hann fékk sig fullsaddan í síðustu viku þegar tveir ferðamenn tjölduðu á einkalóð hans. Fékk hann þá hugmynd að því hvernig hann getur fælt ferðamenn á brott. Hann setti einfaldlega upp skilti sem á stendur: „Farið ekki yfir girðinguna. Hrútarnir eru mjög graðir.“