Vísindamennirnir, sem heita Tim Lomas og Brendan Case, benda á það í rannsókn sinni að „óútskýrð fyrirbæri“ haldi sig neðanjarðar, á tunglinu eða gangi jafnvel um meðal okkar mannanna.
Þeir setja fram fjórar kenningar um þetta og benda á að rannsóknir af þessu tagi snúist yfirleitt um verur frá öðrum plánetum en það sé ekki tæmandi.
Lifa í felum
Í einni kenningunni segja þeir að verur hafi komið hingað til jarðarinnar utan úr geimnum eða frá framtíðinni og séu í felum. Einnig geti verið um „heimaræktaðar“ geimverur að ræða, til dæmis „jarðbundna engla“. Þeir eru ekki svo tæknilegir og eru almennt þekktir sem álfar eða álíka verur í evrópskum sögum.
Þeir segja einnig að um „gamalt tæknilega þróað samfélag manna“, sem er ekki lengur í fullkomnu lagi, geti verið að ræða og verurnar frá því leynist innan um okkur mennina.
Einnig getur að þeirra matið verið um „mjög fjarskylda ættingja okkar“ að ræða. Þetta gæti til dæmis verið óþekkt og mjög greind tegund risaeðla.
Þeir viðurkenna fúslega að kenningar þeirra hljóti nú væntanlega ekki mikinn hljómgrunn í vísindasamfélaginu en þær eigi það skilið að „vera íhugaðar af auðmýkt og með opnum huga“.
Nægt pláss
Kenningum sínum til stuðnings benda þeir á að mörg hafsvæði hér á jörðinni hafi ekki verið kortlögð og þar sé nægt pláss fyrir geimverur til að leynast.
Meðal þessara svæða eru „japanska Atlantis“ við eyjuna Yonaguni Jima við austurströnd Taívan en þar fann kafari „sokkna hluti 1986.
En Lomas og Case eru raunsæir og segja að mjög ósennilegt sé að geimverur haldi til hér á jörðinni en það skipti þó miklu máli að segja að þeir telji það ekki útilokað. Út frá þeim gögnum sem þeir hafa, þá telja þeir 10% líkur á að geimverur haldi til hér á jörðinni.