Vísindamenn telja að jörðin hafi misst vernd sólarinnar um skamma hríð fyrir um tveimur milljónum ára. Það gerði að verkum að efni utan úr geimnum áttu greiða leið niður að plánetunni, þar á meðal efni sem komu annars staðar frá en úr sólkerfinu okkar. Þannig komst jörðin í snertingu við þétt gas- og rykský þegar sólkerfið þau um geiminn.

Á þessum tíma voru fyrstu mennirnir komnir fram á sjónarsviðið og deildu jörðinni með forsögulegum dýrum. Þá ríkti ísöld sem lauk ekki fyrr en fyrir um 12.000 árum.

Margir þætti valda því að ísöld verður, þar á meðal halli jarðarinnar, snúningur hennar, magn koltvíoxíðs í andrúmsloftinu, hreyfingar á jarðskorpuflekum og eldgos.

Út frá kenningu vísindamanna um hvenær jörðin þaut í gegnum geiminn utan sólkerfisins, þá virðist sem miklar breytingar hafi orðið á loftslagi hennar á þessum tíma. Til dæmis hafi ísöld hafist og lokið en þar gæti áhrifa gætt frá stöðu sólkerfisins í Vetrarbrautinni.

Vísindamennirnir telja að niðurstöður þeirra bendi til að sólkerfið hafi farið í gegnum þétt gas og ryk á ferð sinni um Vetrarbrautina fyrir tveimur milljónum ára. Þetta gæti hafa verið svo þétt að þetta hafi raskað streymi hlaðinna agna, sem kallast sólvindur, frá sólinni til jarðarinnar. Þetta hafi hugsanlega valdið því að hitinn hríðféll.

Í tilkynningu frá Merav Opher, aðalhöfundi rannsóknarinnar, segir að rannsóknin sé sú fyrsta sem sýni að sólin hafi komist í snertingu við eitthvað sem koma ekki úr sólkerfinu okkar. Þetta hafi haft áhrif á loftslagið á jörðinni.