Sagan segir að kettir fari sínar eigin leiðir og eigandi sé frekar þjónn hans en húsbóndi. Þeir sem eiga kött vita þó hversu miklar kelurófur þeir eru. Köttum finnst líka gott að kúra til fóta hjá eiganda sínum.
Margar ástæður eru fyrir því að köttur velja þann stað, en þó fyrst og fremst vegna þess að þar finnst þeir öruggir og þægilegt að liggja, segja stöllurnar Kate Luse sérfræðingur í hegðun katta og Nicole Savageau dýralæknir í grein á vef Mörthu Stewart.
Öryggi er aðalástæðan fyrir því að kettir sofa við enda rúmsins. „Við hugsum oft um ketti sem rándýr sem veiða lítil dýr eins og nagdýr og fugla,“ segir Luse. „En kettir eru líka bráð fyrir aðrar tegundir eins og ránfugla, sléttuúlfa og refi. Þess vegna hafa kettir þróast til að forgangsraða því að finna örugga svefnstaði.“
Rúmbríkin býður upp á hærri útsýnisstað, sem gerir köttum kleift að skoða herbergið vegna hugsanlegra rándýra. Svefnstaðurinn gæti einnig fært þeim beina sjónlínu á hurðina og þar með flóttaleið.
Þó að kettir geti verið mjög ástúðlegir, þá vilja þeir líka sitt persónulega rými. „Að sofa við enda rúmsins tryggir að mannlegur félagi þeirra er ólíklegri til að trufla eða ganga inn á persónulegt rými þeirra á meðan þeir hvíla sig,“ segir Savageau. „Kettir meta sjálfstæði sitt og kjósa kannski að sofa á stað þar sem hreyfingar eða nærvera eiganda þeirra truflar ekki svefn þeirra.“
Önnur ástæða fyrir því að kötturinn þinn gæti valið að sofa við fætur þína er vegna hlýjunnar. „Kettir leita að hlýjum og notalegum stöðum til að sofa og fætur eiganda þeirra geta veitt einmitt það,“ segir Savageau. „Fætur gefa oft frá sér hita og köttum getur fundist hlýjan hughreystandi og róandi.“
Ef kötturinn þinn sefur við brún rúmsins, en fjarri fótum þínum, er líklegt að hann sé að leita að svalari stað til að hvíla sig á. „Kettir munu finna staði sem gera þeim kleift að viðhalda ákjósanlegum líkamshita til að sofa,“ segir Luse.
Hvar sem kötturinn þinn velur sér svefnstað vill hann þó líka halda tengslum við eiganda sinn. „Köttum finnst öruggt að vera nálægt fólki sem þeir eru tengdir við,“ segir Luse.„ Fyrir suma ketti þýðir það að kúra í fanginu á eiganda sínum eða kúra á brjóstkassa þeirra á nóttunni – en fyrir marga aðra er slík snerting yfirþyrmandi.“ Að sofa við fætur þína býður upp á þægilegan stað fyrir köttinn sem er nálægt eiganda sínum, en heldur samt ákveðinni fjarlægð.
Rúmið þitt lyktar eins og þú, líkt og fleiri staðir á heimilinu. „Rúmið þitt er notalegt fyrir köttinn þinn, hvort sem hann sefur við höfuð þitt , einhvers staðar í miðjunni eða við fætur þína, vegna þess að hann finnur lyktina af þér“ segir Luse. Þar sem kettir treysta á lyktarskynið til að greina vini frá óvinum og meta umhverfi sitt, segir lyktin af þér kettinum þínum að hann sé á öruggum stað til að hvíla sig á.
Kettir eru mjög greind dýr sem hafa hæfileika til að meta þægindi eiganda síns og stilla hegðun sína í samræmi við það. „Með því að velja að sofa við enda rúmsins gætu þeir verið að reyna að forðast að trufla svefn eiganda síns,“ segir Savageau. „Kettir geta verið tillitssamir á sinn kattarlega hátt og geta valið stað sem heldur þeim nálægt en dregur úr líkum á að vekja eiganda sinn á nóttunni.“
