Svona er hægt að lýsa hinum 42 ára Craig (ekki hans rétta nafn) sem skýrði frá draumi sínum um trekant og að eiginkonan hefði látið drauminn rætast.
Craig hefur aldrei haldið framhjá eiginkonunni en hann hafði deilt með henni draumi sínum um að stunda kynlíf með henni og annarri konu samtímis, trekant.
„Þetta höfum við rætt lengi en ekki af alvöru um að fara yfir línuna og láta þetta verða að veruleika. Smá spjall á milli okkar um þetta þegar við sjáum aðlaðandi konu á bar . . . en engin alvöru umræða um að láta þetta rætast,“ sagði hann um hvernig málin hefðu gengið fyrir sig varðandi þetta.
En þegar afmæli hans, og ferðalag því tengdu, nálgaðist komst hann að fyrirætlun eiginkonunnar um að láta draum hans rætast.
Mörgum kann að finnast þetta vera hin fullkomna sviðsmynd en Craig var ekki ánægður og skrifaði um það á Reddit. „Sannleikurinn er að mig langar raunverulega ekki til að gera þetta. Það hefur verið svo gaman að eiga þessa fantasíu með henni öll þessi ár og ég vil bara konuna mína þrátt fyrir að trekantur gæti verið kynæsandi og skemmtilegur. Ég veit að mér myndi ekki líka að gera suma hluti með annarri konu og í raun vil ég þetta ekki,“ skrifaði hann.
Hann hafði kíkt í síma eiginkonunnar til að sjá hvar sonur þeirra væri, því hann var ekki heima. Þá sá hann opin skilaboð þar sem stóð: „Hann verður að nota smokk þegar hann ríður þér.“
Hann skoðaði þá skilaboðin betur og sá að eiginkonan hafði átt í samskiptum við vinkonu sína um að koma honum á óvart á hóteli með því að fara í trekant með honum. En þegar hann sá þessi samskipti þeirra áttaði hann sig á að hann vildi ekki gera þetta og hefur ekki hugmynd um hvernig hann á að segja henni það.