Konan meiddist á andliti og hnakka en embættismenn segja að hún hefði meiðst mun meira ef félagar hennar hefðu ekki komið henni til hjálpar.
Carlo Pace, hjá náttúruverndarstofnun ríkisins, sagði að vinirnir hefðu náð að halda ljóninu niðri með fjallahjóli þar til starfsmenn stofnunarinnar komu á vettvang og tókust á við dýrið.
Hann sagði að hópurinn hafi hjólað nærri gili þar sem fjallaljón stunda veiðar. Hafi hjólreiðafólkið verið á „röngum stað, á röngum tíma“.
Konan var lögð inn á sjúkrahús en hún hefur nú verið útskrifuð. Fjallaljónið var drepið af starfsmönnum náttúruverndarstofnunarinnar.