Það getur svo sannarlega borgað sig að búa til tölvuleiki, að minnsta kosti ef þeir ná vinsældum, og selja þá. Epic Games, sem býr til tölvuleiki og selur einnig tölvuleiki frá öðrum framleiðendum í Epic Games Store, hagnaðist að minnsta kosti vel á síðasta ári.

Samkvæmt nýbirtu ársuppgjöri fyrirtækisins þá seldust tölvuleikir fyrir sem svarar til um 130 milljarða íslenskra króna í netverslun þess á síðasta ári.

Fram kemur að þriðjungur upphæðarinnar hafi verið vegna sölu á leikjum frá öðrum leikjaframleiðendum. Þar má nefna Grand Theft Auto V og EA Sports FC.

Af leikjum Epic Games má nefna Fortnite og Rocket League sem rokseljast.

Um 804 milljónir manna nota leikjasvæði fyrirtækisins og heimsækja um 75 milljónir það daglega.

Það stefnir í að tekjur fyrirtækisins aukist enn frekar því það er nú að þróa farsímaútgáfu af Epic Games Store og á hún að verða aðgengilega fyrir Evrópubúa sem nota iPhone að sögn Eurogamer. Það þýðir að Fortnite verður aftur aðgengilegur í farsímum frá Apple en svo hefur ekki verið í nokkur ár vegna lagalegra deilna.

Epic Games hefur einnig ert samning við Disney sem færir fyrirtækinu sem svarar til um 200 milljarða íslenskra króna. Samningurinn snýst um þróun nýs „leikja- og afþreyingarheims“ þar sem Disneypersónur og upplifanir verða í aðalhlutverki.