Skipuleggjendur gleðigöngunnar, Pride, sem fer fram á laugardaginn hafa beðið lögregluna um að halda sig fjarri göngunni. Ástæðan er morðið á samkynhneigðu pari, Luke og Jesse, sem var myrt af lögreglumanni að því að talið er.

DV.is fjallaði í morgun um mál þeirra.

Leita að sjónvarpsmanni og kærasta hans – Lögreglan skýrir frá nýjum atriðum varðandi þetta dularfulla mál

Í morgun bárust fregnir af því að lögreglan hafi fundið tvö lík sem eru talin vera lík Jesse og Luke. Voru þeir skotnir til bana og telur lögreglan að hinn grunaði hafi notað lögregluskammbyssu sína við morðin.

Lögreglumaðurinn hafði áður átt í ástarsambandi við Jesse.

Jesse og Luke höfðu í hyggju að taka þátt í gleðigöngunni.

Í tilkynningu frá skipuleggjendum hennar kemur fram að það muni væntanlega bara auka enn frekar á sorgina, vegna morðanna, ef lögreglan tekur þátt í göngunni. Segja skipuleggjendurnir að þetta sé erfið ákvörðun því margt hinsegin fólk starfi innan lögreglunnar.

Karen Webb, lögreglustjóri í Sydney, hvetur skipuleggjendurna til að draga þessa beiðni til baka. Lögreglan tengist hatursglæpum gegn samkynhneigðum ekki á nokkurn hátt. Hér sé um ástríðuglæp að ræða. Sagðist hún hafa orðið fyrir vonbrigðum með afstöðu skipuleggjendanna að sögn AP.