Tölvuöryggisfyrirtækikð ThreatFabric hefur komist að því að fimm vinsæl öpp eru ekki öll þar sem þau eru séð. Þau innihalda bankatrjójuhest sem heitir „anatsa“.

Markmið tölvuþrjótanna er að nota þessi sýktu öpp til að stela bankaupplýsingum notenda og þannig komast inn á netbanka þeirra.

Öppinn fimm sem um ræðir eru:

Phone Cleaner – File Explorer

PDF Viewer – File Explorer

PDF Reader – Viewer & Editor

Phone Cleaner: File Explorer

PDF Reader: File Manager

ThreatFabric segir að á síðustu fjórum mánuðum hafi tölvuþrjótar gert fjölda árása á notendur í Slóvakíu, Slóveníu og Tékklandi. Áður höfðu þeir beint spjótum sínum að farsímanotendum í Bretlandi, Þýskalandi og Spáni.

Öppin fimm hafa verið fjarlægð úr Play Store en ekki fyrr en eftir að þrjótunum hafði tekist að komast framhjá öryggisventlum þar á bæ.

ThreatFabric segir að öppin hafi verið hönnuð þannig að þau birtust á lista yfir vinsælustu ókeypis öppin í Play Store. Var þetta gert til að sem flestir myndu sækja þau. Það var gert að minnsta kosti 150.000 sinnum og raunar telur ThreatFabric að talan sé nær 200.000.