Live Science segir að í nýrri rannsókn komi fram að hugsanlega hafi veggurinn verið notaður við hreindýraveiðar en hann var á þurru landi fyrir 11.000 árum.
Vísindamenn segja að veggurinn hafi verið 975 metra langur, 1 metri á hæð og 2 metrar á breidd. Hann er nú á 70 metra dýpi og um 10 kílómetra frá strönd Rerik í Þýskalandi.
Veggurinn gæti verið sá stærsti sinnar tegundar frá þessu tímabili að mati vísindamannanna, sem gerðu rannsóknina.
Vísindamennirnir komust að þeirri niðurstöðu að veggurinn hafi verið notaður við veiðar með því að bera hann saman við svipaða veggi í öðrum heimsálfum. Telja vísindamennirnir að hann hafi verið reistur á þurru landi af söfnurum og veiðimönnum sem hafi síðan rekið villt dýr inn að honum og drepið þau. Líklega hafi hreindýr verið aðalbráðin.
En yfirborð sjávar hækkaði vegna bráðnunar íss þegar síðustu ísöld lauk og fór svæðið undir sjó fyrir um 8.500 árum.