Í nýrri rannsókn komust vísindamenn að því að mannapar, sem eru bónóbóar, órangútanar, simpansar og górillur, notast við „fjöruga stríðni“. Þetta er eins og hjá fólki, þegar það grínast eða stríðir, ögrandi, viðvarandi, og inniheldur einnig óvænta hluti og leik.
CNN segir að vísindamennirnir telji að þar sem allar fjórar tegundir mannapa notist við „fjöruga stríðni“ þá sé líklegt að forsendur húmors hafi þróast hjá forfeðrum manna fyrir 13 milljónum ára.
Vísindamennirnir höfðu verið með hugmyndir um að af því að börn geti strítt hvert öðru áður en þau læra að tala, allt frá átta mánaða aldri, þá væri hægt að sjá svipaða hegðun hjá mannöpum.
Fyrstu tilraunir barna til stríðni felast í endurteknum ögrunum sem fela oft eitthvað óvænt í sér, til dæmis eins og að bjóða eitthvað en hætta síðan við eða að trufla fólk við það sem það er að gera.
Þau láta líka eins og þau ætli að gera eitthvað sem þau vita að þau mega ekki, sagði Isabelel Laumer, aðalhöfundur rannsóknarinnar, í samtali við CNN.
Vísindamennirnir greindi myndbandsupptökur af samskiptum apa í dýragörðum í Þýskalandi og Bandaríkjunum og var sérstök áhersla lögð á að fylgjast með hvað þeir gerðu, líkamshreyfingu þeirra, svipbrigðum og viðbrögðum hins aðilans.
Niðurstaðan var að allar fjórar mannapategundirnar sýndu af sér hegðun þar sem þær ögra vísvitandi og oft var þetta í formi leiks.
Niðurstaðan hefur verið birt í vísindaritinu Proceedings of the Royal Society B: Bilogical Sciences.
