Bifreið Anteyonu lenti í árekstri við aðra bifreið sem ekið var yfir á grænu ljósi og létust fimm farþegar í bifreið Anteyounu, þar á meðal fjögur börn. Slysið varð í maí í fyrra.
„Ég vil biðjast innilegrar afsökunar á gjörðum mínum,“ sagði Anteyona þegar hún játaði sök í málinu í janúar síðastliðnum. Í slysinu lést eins árs stúlka, tvær fimmtán ára stúlkur, sautján ára piltur og 32 ára karlmaður. Sjötti farþeginn, 17 ára stúlka, slasaðist alvarlega.
Anteyona hlaut samfallið lunga og brot á rifbeinum í árekstrinum en slapp við lífshættulega áverka. Ökumaðurinn í hinum bílnum, 32 ára kona, slasaðist alvarlega.
Talið er að Anteyona hafi ekið bifreið sinni á tæplega 130 kílómetra hraða þegar slysið varð. Kastaðist bifreiðin á ljósastaur í kjölfar árekstursins. Áfengismagnið í blóði hennar var rúmlega tvöfalt á það sem leyfilegt er.
Samkvæmt niðurstöðu dómsins verður Anteyona undir auknu eftirliti í fimmtán ár eftir að hún lýkur afplánun fangelsisdómsins.