Jólalögin hafa ómað síðustu vikur og eins og venjulega þá nýtur lagið „All I Want For Christmas Is U“ mikilla vinsælda. Það er Mariah Carey sem á heiðurinn og höfundarréttinn að laginu og hún nýtur svo sannarlega góðs af því fjárhagslega.

Lagið var fyrst gefið út 1994 og hefur síðan snúið aftur á vinsældalista ár hvert. Lagið er ellefta söluhæsta lagið frá upphafi.

Það hefur ítrekað komist inn á topp 100 á Billboard Top listanum.

Eftir því sem segir í umfjöllun LADbible þá hefur Carey haft töluvert upp úr krafsinu á þeim 30 árum sem eru liðin síðan lagið kom fyrst út.

Segir miðillinn að hún fái um 2,5 milljónir dollara á ári fyrir lagið.

Megnið at tekjunum koma frá streymisveitum á borð við Spotify og Apple Music.