Underwood var sakfelldur fyrir morð á tíu ára stúlku, Jamie Rose Bolin, árið 2006. Hann lokkaði stúlkuna í íbúð sína þar sem hann braut gegn henni kynferðislega áður en hann drap hana. Jamie bjó ásamt föður sínum í sömu íbúðabyggingu og Kevin í bænum Purcell.
Þetta var 25. aftaka ársins í Bandaríkjunum á þessu ári og sú síðasta.
Underwood var handtekinn á heimili sínu þann 17. apríl 2006 og fundust líkamsleifar Jamie inni í skáp á heimili hans. Lögmenn hans héldu því fram að hann hefði átt skelfilega æsku og væri haldin geðrænum veikindum. Þrátt fyrir það var hann metinn sakhæfur.
Underwood reyndi að áfrýja dauðadómnum allt þar til á síðustu stundu og þegar mál hans var tekið fyrir af áfrýjunarnefnd í síðustu viku bað hann fjölskyldu Jamie afsökunar á gjörðum sínum.
Beiðni hans var hafnað og var hann sem fyrr segir tekinn af lífi í gær með banvænni lyfjablöndu.
