Dominique var ákærður fyrir að hafa byrlað eiginkonu sinni og móður Caroline, Gisele Pelicot, ólyfjan ítrekað og fengið ókunnuga karla sem hann kynntist á netinu til þess að nauðga henni.
Tók Dominique myndir og myndbönd af misnotkuninni og vistaði efnið samviskusamlega í tölvu sína, alls um 20 þúsund myndir og myndbönd. Hann viðurkenndi brot sín fyrir dómi.
Fimmtíu aðrir karlar í málinu voru einnig sakfelldir og fengu þeir mislanga dóma. Einn, sem nauðgaði Dominique átta sinnum, fékk til að mynda 15 ára fangelsisdóm og annar sem nauðgaði henni sex sinnum fékk 13 ára dóm.
„Þú munt deyja eins og hundur í fangelsi,“ hrópaði Caroline í átt að föður sínum sem beygði sig niður og grét þegar dómari las upp refsinguna. Dominiqe var einnig dæmdur fyrir að taka og dreifa kynferðislegum ljósmyndum af henni og tveimur tengdadætrum sínum.
Gisele tjáði sig við fjölmiðla eftir réttarhöldin og sagði að þungu fargi væri af henni létt og að baki væri mjög erfiður tími. Henni hefur verið hrósað mjög fyrir að tala opinberlega um réttarhöldin og hún kveðst ekki sjá eftir því að hafa kosið að hafa þau opin.
„Frá því að réttarhöldin hófust þann 2. September vildi ég að samfélagið myndi sjá það sem væri að gerast. Ég hef aldrei séð eftir þeirri ákvörðun.“
Aðspurð hvort hún væri sátt við málalyktir og hvort dómarnir væru hæfilega þungir að hennar mati sagðist hún virða niðurstöðu dómstólsins.
