Kartöflur eru fastur liður á matarborði flestra og hafa verið kynslóðum saman. En setur þú salt í pottinn þegar þú sýður kartöflur? Ef þú gerir það, seturðu þá saltið áður en kartöflurnar fara í pottinn eða eftir að þær eru komnar ofan í hann?

Þetta er auðvitað spurning sem hefur leitað á marga og jafnvel haldið fyrir þeim vöku! (Eða ekki!).

Það að setja salt í vatnið hefur tvennskonar tilgang. Annar er að bæta bragðið. Kartöflur eru mildar á bragðið frá náttúrunnar hendi og saltið hjálpar til við að draga náttúrulegan karakter þeirra fram. Hitt er að saltið hefur áhrif á áferðina því það breytir efnasamsetningu vatnsins sem getur gert suðuna áhrifaríkari.

Ef þú setur saltið í á undan kartöflunum, þá færðu tækifæri til að búa til einsleitt bragð því vatnið er salt þegar kartöflurnar fara að draga það í sig á meðan þær sjóða.  Með þessu verður bragðið jafnt, þær verða fastari fyrir því saltið styrkir frumuveggi þeirra. Þetta sparar einnig tíma, því þá þarf ekki að smakka vatnið til eftir að saltið er sett í.

Ef þú setur saltið hins vegar í á eftir kartöflunum, þá sleppur við að þær verði mislitar. Þú minnkar einnig líkurnar á að þú setjir of mikið salt í vatnið.

Kokkar eru almennt sammála um að best sé að setja saltið út í á undan kartöflunum. Ef saltið er í vatninu frá upphafi, tryggir þú einsleitara bragð og þá áferð sem þú vilt. En það skiptir máli hversu mikið salt er sett út í. Þumalfingurregla er að nota ca matskeið af salti fyrir hvern lítra vatns.