Margir tengja fallegan og ferskan fatnað við tíða þvotta á honum en sannleikurinn er að of mikill þvottur slítur fatnaði, hefur áhrif á litina og styttir líftímann.

Það er því góð hugmynd að íhuga hversu oft þarf að þvo fötin sín, að minnsta kosti ef maður vill láta þau endast lengi.

Sum efni og fatnaður þurfa kannski færri þvotta en þú heldur. Þetta á sérstaklega við um viðkvæm efni á borð við silki og ull en gallabuxur og frakkar komast líka ágætlega af án þess að fara oft í þvottavélina.

Gallabuxur eru sterkar, sterkari en þær líta út fyrir að vera og það þarf bara að þvo þær þriðju eða fjórðu hverju viku ef þær eru ekki skítugar að sjá. Ef það er vond lykt af þeim, þá er hægt að setja þær í frysti í 10 til 12 klukkustundir því kuldinn drepur bakteríurnar sem valda óþefnum. CHIP skýrir frá þessu.

Silki og ull eru ein viðkvæmustu efnin og það á ekki að þvo þau oft og ef þau eru þvegin, þá er best að gera það í höndum eða setja þau í hreinsun í efnalaug.

Hengdu ullarfatnaðinn út í ferska loftið og þvoðu hann bara á hálfs árs fresti ef hann er ekki notaður daglega.

Það er nóg að hreinsa frakka og leðurjakka einu sinni á ári en hvíta strigaskó er best að úða með úða sem hrindir drullu frá. Það er nóg að þvo þá vel einu sinni á ári.