The Guardian skýrir frá þessu og segir að námsskráin, sem nefnist „Bluebonnet Learning“ verði hugsanlega tekin í gagnið í ágúst á næsta ári. Hún mun ná til námsgagna í ensku, öðrum tungumálum og listum fyrir leikskólabörn og allt upp í fimmta bekk grunnskóla.
Kennarar mega sjálfir ákveða hvort þeir fylgi námsskránni en ríkið heitir því að greiða kennsluumdæmunum 60 dollara fyrir hvert skólabarn sem fylgir námsskránni.
Foreldrar, kennarar og mannréttindasamtök hafa lýst yfir óánægju sinni með ákvörðunina og segja hana brjóta gegn bandarísku stjórnarskránni með því að mismuna nemendum á grundvelli trúar þeirra.
Caro Achar, talsmaður the American Civil Liverties Union, sagði að námsskráin brjóti gegn trúfrelsinu sem hafi verið hornsteinn bandarísku þjóðarinnar allt frá stofnun landsins. Stjórnmálamenn, sem vilja ritskoða hvað nemendur lesa, vilji nú taka upp ríkisstudda trú í opinberum skólum.
