Eigendur útfararstofu í Colorado í Bandaríkjunum, hjónin Jon og Carie Hallford, eru nú fyrir dómi í ríkinu en þau eru ákærð fyrir að misnotað rúmlega 200 lík, þjófnað, fölsun og peningaþvætti.

Þau ráku útfararstofuna Return to Nature Funeral Home árum saman. Árið 2019 byrjuðu þau að geyma lík í gamalli byggingu nærri Colorado Springs. Eru þau sögð hafa látið fjölskyldur hinna látnu fá sement í stað ösku.

Sky News skýrir frá þessu og segir að upp hafi komist um hjónin á síðasta ári þegar kvartað var yfir „hryllilegri lykt“ frá byggingunni.

Hjónin eru sögð hafa eytt um 900.000 dollurum, sem þau fengu úr styrktarsjóðum vegna kórónuveirunnar, í ferðalög, lýtaaðgerðir, skartgripi og til kaupa á rafmynt.

Hjónin hafa játað sök og bíða nú dómsuppkvaðningar.