Margir byrja daginn á því að fá sér kaffi því það færir okkur orku vegna koffíninnihalds þess. En margir vita ekki að kaffi býr einnig yfir öðrum kostum, til dæmis bætir það minnið og bætir heilbrigði heilans til langs tíma.

Dr. Brandon Crawford, sem er læknir við Harvard háskólann, sagði í samtali við She Finds að til séu krydd sem geti örvað heilann ef þeim er bætt út í morgunkaffið.

Annað þeirra er kanill. Kanill inniheldur fjölda efna sem eru góð fyrir heilann, þar á meðal mikið af andoxunarefnum. Kanill hjálpar heilanum að takast á við oxandi stress en það gegnir lykilhlutveri í þróun taugasjúkdóma á borð við Alzheimers.

Kanill getur þess utan hjálpað til við að stýra blóðsykurmagninu en það er mikilvægt til að viðhalda góðri heilastarfsemi og koma í veg fyrir taugasjúkdóma.

En það er hægt að setja fleira út í kaffið en kanill því eftir því sem Dr. Taz segir þá eykur það fitubrennslu ef maður setur kanil og kakóduft út í kaffið. Þetta getur einnig dregið úr bólgum. Segir læknirinn að þetta komi sér mjög vel við að hraða efnaskiptunum og þar með við að léttast.