Mál eldri konu sem er saknaði í Kaliforníu fór í óvænta átt þegar lögregla fann uppþornaðar líkamsleifar karlmanns, eða eins konar múmíumann. Maðurinn fannst sitjandi á klósettinu á heimili sem tilheyrði áður týndu konunni.

Konan er 95 ára gömul og glímir við Alzheimer sjúkdóminn. Fjölskylda konunnar bað lögreglu að leita hennar í húsinu sem hún bjó í þar til fyrir tveimur árum, en þau töldu að sökum sjúkdómsins gæti konan hafa ruglast og farið á rangt heimili. Konan fannst ekki þar, en þess í stað fannst áðurnefndur maður látinn inni á salerninu.

„Það er furðu algengt að við finnum fólk inni á salernum. Þetta gerist oftar en fólki grunar,“ sagði lögreglufulltrúinn Brandon Hayward við staðarmiðla. Brandon telur að líkamsleifarnar hafi setið í salerninu vikum ef ekki mánuðum saman. Líklega hafi maðurinn látist af náttúrulegum orsökum og ekki er grunað að nokkuð saknæmt hafi átt sér stað. Lögregla telur eins að maðurinn sé annar tveggja sona týndu konunnar.

Húsnæðið sjálft var í slæmu ástandi. Það var þakið rusli, mikið um flugur og lyktin slæm. Lögregla fann annan mann, á lífi en þó illa til hafður, í húsnæðinu. Sá virðist glíma við andlega erfiðleika og er talinn skyldmenni konunnar. Hann vildi fyrst ekki hleypa lögreglu inn í húsið. Var hann þá nauðungavistaður á geðdeil að beiðni lögreglu sem komst þá loks inn.

Aldraða konan fannst heil á hófu nærri hjúkrunarheimili sínu.