Jana hefur komist að því að það eru fimm „snemmbúin merki“ um að karlinn sé kannski að daðra við aðra konu eða halda framhjá. Þessi merki eiga einnig við um þá sem hafa verið lengi í sambandi.
„Ef þú hefur á tilfinningunni að hann sé að halda framhjá, þá er það yfirleitt rétt. Því miður hefur innsæi okkar sjaldan rangt fyrir sér,“ segir hún í grein í news.com.au.
Annað merki er að hennar sögn að finna á Instagram. „Ef þeir fylgja mörgum bikiníklæddum konum á Instagram, þá eru miklar líkur á að þeir sendi þessum konum einkaskilaboð. Það er skelfilegt hversu mörg skilaboð ég fæ frá körlum sem eru í sambandi og ég er fimma miðað við þær tíur sem þeir fylgja,“ sagði hún og á þar við mat á eigin fegurð og fegurð hinna kvennanna.
Hún ráðleggur konum, sem gruna maka sinn um græsku, að fylgjast vel með vinkonum sínum og það er sérstök ástæða fyrir því: „Fylgstu með vinkonum þínum. Í svo mörgum framhjáhaldssögum koma sameiginlegir vinir við sögu – ekki ókunnugir.“
Hún ráðleggur konum einnig að spyrja vini mannsins hvort hann sé að halda framhjá eða ekki. En hún bendir á að það þurfi að hafa í huga að ekki sé öruggt að þeir svari sannleikanum samkvæmt. „Konur halda framhjáhaldi sínu mjög leynilegu – karlar monta sig. Þeir monta sig mikið. Ef maðurinn þinn er að halda framhjá, þá vita vinir hans það örugglega. Spurðu þá.“
Lokaráð hennar er að konur eiga að „vera forvitnar“ um síma makans því hann getur komið upp um hvort hann er að halda framhjá: „Símar leyna mörgum syndum. Ef makinn byrjar skyndilega að gæta símans síns mjög vel, þá skalt þú verða forvitin.“