Árið 1728 bjó franski listamaðurinn Edme Bouchardon til marmarastyttu af Sir John Gordon. Árið 1930 keypti sveitarfélagið Invergordon Town í Englandi skúlptúrinn fyrir 5 pund en það svarar til um 1.000 íslenskra króna í dag. Þetta var auðvitað töluverð upphæð á þeim tíma fyrir einstaklinga en ekki neitt sem hefði átt að sliga rekstur heils sveitarfélags.

Stytta virðist síðan hafa verið sett á rangan stað þegar sveitarfélagið var endurskipulagt. Hún fannst síðan árið 1998 en þá var hún í notkun sem hurðastoppari í skúr í iðnaðarhverfi í Balintore sem er nærri Invergordon.

Það kom sér vel fyrir sveitarfélagið að styttan fannst því hún er metin á sem nemur um 450 milljónum íslenskra króna.

Sveitarfélagið ákvað nýlega að selja hana og er hún nú á uppboði hjá Sotherby‘s og nú þegar hefur borist boð upp á um 450 milljónir króna.

Stefnt er að því að setja söluverðið í sérstakan sjóð sem verður ávaxtaður og gæti skilað sveitarfélaginu um 22 milljónum króna í vexti á ári. Verða vextirnir notaðir til fjárfestinga í sveitarfélaginu.