Maðurinn, sem býr í Oklahoma, var handtekinn af alríkislögreglunni FBI þegar hann var að kaupa vopn. Þegar gæsluvarðhaldskrafan yfir honum var tekin fyrir komu nýjar upplýsingar fram. Til dæmis um að maðurinn og mágkona hans voru að undirbúa að „deyja sem píslarvætti“ í árás á kjördag.
Málið kemur upp á tíma þar sem staða öryggismála í Bandaríkjunum er viðkvæm. Stutt er í forsetakosningarnar, Rússar dæla lygum yfir Bandaríkjamenn, reynt hefur verið að ráða Donald Trump af dögum og Íranar eru sagðir vilja hann feigan. Þess utan óttast margir að öfgasinnaðir Bandaríkjamenn muni grípa til þess að fremja hryðjuverk.
Afganinn kom til Bandaríkjanna 2021 en hann hafði fengið sérstaka vegabréfsáritun sem Afganar, sem störfuðu fyrir bandaríska herinn í Afganistan. Hann hafði starfað sem öryggisvörður í herstöð í heimalandi sínu.
FBI segir að hann hafi svarið Íslamska ríkinu hollustu sína og þess utan tengist mál hans fyrirætlunum um hryðjuverk í Frakklandi en þar var einn handtekinn í september vegna þess.