Aðvörunin snýr að konum og ef þú ert meðal þeirra kvenna sem eiga það til að kasta af sér vatni í sturtu þá er þessi aðvörun beint að þér. Samkvæmt því sem segir í þessari aðvörun, þá er það mjög slæmt fyrir grindarbotn kvenna ef þær pissa standandi.
Kvensjúkdómalæknirinn Emma Qureshey, frá Texas í Bandaríkjunum, segir í TikTok-myndbandi að það geti skaðað grindarbotninn ef konur pissa standandi.
En norski sjúkraþjálfarinn Linda Sørby, sem hefur sérhæft sig í grindarbotnsmálum, sagði í samtali við Dagbladet að þessi ummæli Emmu séu sjokkerandi.
„Ég hræðist þetta trend og að það sé orðið svona vinsælt vegna þessara myndbanda,“ sagði hún og bætti við að grindarbotninn sé mjög sveigjanlegur og geti teygst mjög mikið, til dæmis við fæðingu.
Að það geti skaðað hann að kona pissi standandi er því ekkert sem Linda kaupir.
Í myndbandi sínu segir Emma að með því að pissa standandi sé hætta á að þvagblaðran tæmist ekki almennilega. Linda sagði þetta geta verið rétt en sé ekki neitt sem konur eigi að hræðast.