Live Science skýrir frá þessu og segir að sýni hafi verið tekin af 96 sturtuhausum og 34 tannburstum. Á þeim fundust 614 veirutegundir, þar af margar sem hafa líklega aldrei áður fundist.
Nú hugsa sumir eflaust með hryllingi til þess að þurfa að tannbursta sig með tannbursta sem er þakinn veirum. En vísindamennirnir, sem gerðu rannsóknina, segja að það sé engin ástæða til að hafa áhyggjur eða fyllast ónotakennd því þetta séu veirur sem sýkja bakteríufrumur frekar en mannsfrumur.
Það sem meira er, þessar nýfundnu veirur geta hugsanlega verið gagnlegar þegar kemur að þróun meðferða gegn sýklalyfjaónæmum ofurbakteríum.
Rannsóknin hefur verið birt í vísindaritinu Frontiers in Microbiomes.
Í tilkynningu frá vísindamönnunum er haft eftir Erica Hartmann, aðalhöfundi rannsóknarinnar og prófessor í örverufræði, að ótrúlega margar veirur hafi fundist í rannsókninni, þar af margar sem mjög lítið sé vitað um og aðrar sem höfðu aldrei áður sést.
Vísindamenn hafa áætlað að líklega sé 1 trilljón örverutegunda á jörðinni og að 99,9% þeirra hafi ekki enn fundist.
