Vísindamönnum við University of Southampton hefur tekist að koma erfðamengi manna fyrir á kristal sem getur enst í milljarða ára. Þeir geta hugsanlega enst í milljarða ára eftir að mannkynið deyr út. Telja vísindamennirnir að hugsanlega verði hægt að nota þessa kristala til að endurvekja mannkynið til lífsins ef svo fer að það deyr út.

Vísindamennirnir notuðu lasertæki til að koma upplýsingunum um erfaðmengið fyrir á fimmvíddar kristal sem þeir segja að geti enst í milljarða ára. Ólíkt öðrum geymsluformum slíkra upplýsinga, þá eyðist kristallinn ekki með tímanum.

Sky News segir að í tilkynningu frá háskólanum segir að kristallinn sé eitt endingarbesta efnið sem fyrirfinnst á jörðinni. Hann geti staðið af sér gríðarlega sterk öfl, háan hita og geimgeislun.

Vísindamennirnir vonast til að hægt veðri að nota þessa aðferð í framtíðinni til að skrá erfðamegni plantna og dýra sem eru í útrýmingarhættu.

En það er einn hængur á þessu öllu saman. Hann er að enn búum við ekki yfir tækni til að endurgera fólk, plöntur eða dýr með aðeins upplýsingum um erfðamengi þeirra.