Það hefur greinilega verið gaman og jafnvel ábótasamt að mæta í partý hjá Marius Borg Høiby, sem er sonur Mette-Marit krónprinsessu í Noregi. Hann bauð vinum sínum í partý á heimili móður sinnar og krónprinsins í Skaugum, sem er um 20 km suðvestan við Osló.

Se og Hør segir að einhverjir partýgestanna hafi gerst ansi fingralangir og hafi haft silfurmuni á brott með sér úr þessum opinbera bústað krónprinshjónanna.

Dagbladet segir að um mjög verðmæta silfurmuni sé að ræða. Nýlega var reynt að selja þá í gegnum uppboðshús en starfsfólk þess áttaði sig á að eitthvað væri óeðlilegt við þetta og kom í veg fyrir söluna.

Norska hirðin hefur ekki viljað tjá sig mikið um málið annað en að segja að vel sé gætt að öryggi fjölskyldu krónprinsins.

Lögreglan í Osló segir að vinahópur Marius samanstandi af stórum hluta af fólki úr undirheimunum.