fbpx
Laugardagur 28.september 2024
Pressan

Er fólk hreinskilnara þegar það er drukkið?

Pressan
Laugardaginn 28. september 2024 17:30

Ekki missa af Helstu tíðindum dagsins í pósthólfið þitt

Lesa nánar

Áfengisdrykkja getur haft þau áhrif á heilann að fólk verður líklegra til að segja það sem því býr í huga en áhrifin eru ekki alltaf eins og búast má við. Latneska orðatiltækið „In vino veritas“, sem þýðir „Í víni leynist sannleikur“, er eitt margra orðatiltækja sem hampar þeirri hugmynd að áfengi sé einhverskonar sannleikslyf.

En gerir áfengi fólk hreinskilnara? Svarið er bæði já og nei að sögn sérfræðinga sem Live Science ræddi við.

Aron White, forstjóri National Institute on Alchol Abuse and Alcoholism‘s Epidemiology and Biometry Branch, sagði í samtali við Live Science að áfengi valdi því að fólk sé líklegra til að segja það sem því býr í huga. „Í sumum tilfellum gæti það verið sannleikurinn. Í sumum tilfellum gæti það verið það sem þú, í þínu ölvunarástandi, heldur að sé sannleikurinn,“ sagði hann.

Það eru því meiri líkur en minni á að fólk segi hug sinn eftir að hafa fengið sér nokkra drykki. En það er einnig hugsanlegt að það segi eitthvað sem því finnst vera rétt en myndi ekki taka alvarlega ef það væri ódrukkið.

Rannsókn frá 2017, sem var birt í vísindaritinu Clinical Psychologial Science, beindist að breytingum á persónuleika fólks eftir að það hafði drukkið nægilega mikið af vodka til að áfengismagnið í blóði þeirra mældist 0,09%.

Mesta breytingin á persónuleika fólks, eftir að hafa drukkið áfengi, var að það varð mun opnara. Í rannsókninni var sjónunum ekki beint að því hvort áfengi væri sannleikslyf en það að áfengi geri fólki auðveldara fyrir við að vera innan um annað fólk, styður að það sé líklegra til að vera hreinskilið.

White benti á að sá eiginleiki áfengis að geta hjálpað fólki við að komast úr skel sinni og segja það sem því býr í huga geti einnig valdið því að ruglingur komist á hugsanir fólks.

„Áfengi er ekki sannleikslyf. Það er öruggt,“ sagði White.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Neituðu drengnum um vegabréf vegna nafns hans

Neituðu drengnum um vegabréf vegna nafns hans
Pressan
Í gær

Fjarlægðu 40.000 býflugur af heimilinu

Fjarlægðu 40.000 býflugur af heimilinu
Pressan
Fyrir 2 dögum

Fundu 30 rotnandi lík í báti

Fundu 30 rotnandi lík í báti
Pressan
Fyrir 2 dögum

Lokuð gönguleið laðar ofurhuga að sér – „Einhver mun slasast eða deyja“

Lokuð gönguleið laðar ofurhuga að sér – „Einhver mun slasast eða deyja“
Pressan
Fyrir 3 dögum

Rússneskur hermaður baðst vægðar – Það sem gerðist næst hefur vakið athygli

Rússneskur hermaður baðst vægðar – Það sem gerðist næst hefur vakið athygli
Pressan
Fyrir 3 dögum

Tveir fangar teknir af lífi í Bandaríkjunum

Tveir fangar teknir af lífi í Bandaríkjunum
Pressan
Fyrir 3 dögum

20 árum eftir andlát hans opnaði hún hlöðuna hans loksins – Mögnuð sjón blasti við henni

20 árum eftir andlát hans opnaði hún hlöðuna hans loksins – Mögnuð sjón blasti við henni
Pressan
Fyrir 4 dögum

Voru morðbræðurnir elskhugar? – „Þetta er ekkert annað en sárar ærumeiðingar“

Voru morðbræðurnir elskhugar? – „Þetta er ekkert annað en sárar ærumeiðingar“