Síðan 2018 hefur norski milljarðamæringurinn Tom Hagen haft stöðu grunaðs í rannsókn norsku lögreglunnar á hvarfi eiginkonu hans, Anne-Elisabeth Hagen, sem hvarf í nóvember 2018.

Norski miðillinn Børsen segir að á fjárhagssviðinu hafi síðasta ár verið gott fyrir Hagen en þá jókst auður hans um 300 milljónir norskra króna.

Þessar 300 milljónir tryggðu honum 152. sætið á listanum yfir 400 ríkustu Norðmennina.

Það var eignarhlutur Hagen í raforkufyrirtækinu Elkraft sem stóð undir megninu af þeim 300 milljónum sem bættust við auð hans á síðasta ári.

Frá því að eginkona hans hvarf hefur auður hans aukist um 1,3 milljarða norskra króna en það svarar til um 16 milljarða íslenskra króna.

Í heildina er auður hans talinn vera sem svarar til um 37 milljarða íslenskra króna.