Karlar, hvaða áhugamál eigið þið? Ykkur finnst það kannski ekki skipta miklu máli en konum finnst að sögn áhugamál karla ansi misjöfn og miskynþokkafull. Þetta getur kannski skipt máli þegar fólk er að draga sig saman og það gæti kannski fælt einhverjar konur frá ef þeim finnst áhugamál karlsins lítt kynþokkafullt.

Fyrr á árinu fékk Data Psychology 840 karla og konur til að leggja mat á hvernig karlar eyða tómstundum sínum.

Konurnar fengu lista með 74 áhugamálum og áttu þær að leggja mat á hvort áhugamálin væru kynþokkafull eða ekki.

En lítum fyrst á hvaða áhugamál þóttu kynþokkafyllst.

1. Lestur
2. Að tala erlend tungumál
3. Að leika á hljóðfæri
4. Eldamennska
5. Trésmíði
6. Að mála
7. Að stunda skriftir
8. Garðyrkja
9. Sund
10. Ljósmyndun

Konur vilja sem sagt karla sem eru fjölmenningarlegir, víðförlir, elska að lesa og hreyfa sig.

Listi karlanna yfir vinsælustu áhugamálin var ekki ólíkur lista kvennanna því þeir settu nákvæmlega sömu áhugamálin í topp fimmtán og konurnar en röðin var ekki sú sama.

En þá er komið að þeim áhugamálum sem konunum þóttu minnst kynþokkafull og jafnvel bara fráhrindandi.

1. Að lesa teiknimyndasögur
2. Að klæða sig í búninga
3. Kappræður
4. Áfengisdrykkja
5. Að safna spilum
6. Að lesa japanskar anime teiknimyndasögur
7. Að nota andlitsfarða
8. Að stunda rafmyntaviðskipti
9. Að reykja
10. Að stunda skemmtistaði

Er kannski kominn tími til að finna sér nýtt áhugamál?