Fyrrverandi eiginmaður Gisele, Dominique Pelicot, sem fengið hefur viðurnefnið Skrímslið í Avignon, hefur játað að hafa byrlað Gisele ólyfjan og boðið fjölda karla að nauðga meðvitundarlausri eiginkonu sinni. Andy er í þessum hópi en réttarhöld í málinu fara nú fram í Frakklandi og er óhætt að segja að málið hafi vakið mikið umtal.
Daily Mail segir frá því að Andy hafi gefið vitnisburð í málinu í morgun og játað að hafa heimsótt hjónin og stundað samræði með Gisele. Hann neitaði þó að um nauðgun hefði verið að ræða þar sem Dominique hefði talið honum trú um að þau hjónin væru saman í ráðum.
Andy er tveggja bana faðir og sagðist hann í vitnastúkunni hafa verið alkóhólisti frá 14 ára aldri og viðurkenndi að nota kókaín endrum og eins. Þá hefði hann áður tekið þátt í svokölluðum swing-lífsstíl þar sem einstaklingar hafa makaskipti.
Hann sagðist hafa fengið skilaboð frá Dominque í gegnum netsíðu sem kallast Coco þegar hann var staddur á bar á gamlárskvöld 2018. Mun Dominique hafa tjáð honum að eiginkona hans, Gisele, væri hrifin af honum og vildi gjarnan sænga hjá honum. Hélt hann því fram að Dominique hefði boðið honum að sofa hjá Gisele á meðan hann horfði á.
Lýsti Andy því að „hann hefði ekki haft neitt sérstakt að gera þetta kvöld“ og því þegið boðið. Fór hann heim í bað og innan við klukkustund síðar var hann kominn heim til hjónanna.
„Ég ætlað mér aldrei að nauðga henni,“ sagði hann og bætti við að hann hefði talið að Gisele væri með í ráðum þó hún hafi verið rænulaus.
Búist er við því að niðurstaða fáist í málinu í desember næstkomandi.
