Breska ríkisstjórnin hyggst banna sjónvarpsauglýsingar er tengjast skyndibitafæði eftir klukkan 21 á kvöldin. Bannið á að taka gildi í október á næsta ári.

Sky News segir að einnig verði lagt bann við skyndibitaauglýsingum á Internetinu. Þetta er liður í því að takast á við offituvanda barna.

Verkamannaflokkurinn, sem er við völd í Bretlandi, hét því í stefnuyfirlýsingu sinni að setja á takmarkanir af þessu tagi.

Andrew Gwynne, heilbrigðisráðherra, sagði að bannið taki gildi eftir rúmlega ár til að fyrirtækjum gefist tími til að laga sig að þeim. Hann sagði að bannið muni gagnast við að hlífa börnum við auglýsingum á óhollum mat og drykkjum.