Ef fólk þvær ekki hendurnar, svo dæmi sé tekið, þá getur það orðið til þess að sýkingar og sjúkdómar breiðast út.
Ef maður þvær sér ekki nægilega vel er meiri hætta á að maður fái sveppasýkingu og ýmis húðvandamál. Það er því til mikils að vinna að þrífa sig vel. Express skýrir frá þessu.
En Jen Caudle, sem er læknir í Bandaríkjunum, hefur áhyggjur af að fólk þrífi sig ekki alltaf nægilega vel og bendir sérstaklega á fimm staði á líkamanum sem verða oft út undan þegar fólk þrífur sig.
Hún segir að þessir fimm staðir séu:
Naflinn
Bak við eyrun
Undir nöglunum
Fótleggirnir
Milli tánna
Hún segir að margir þvo ekki naflann en það er nauðsynlegt að hennar sögn.
Margir þrífa sig heldur ekki bak við eyrun og bakhlið eyrnasnepilsins, fáir muna eftir að þvo þessa staði þegar þeir fara í bað.
Neglur geta verið langar, stuttar og allt þar á milli en óháð því hversu langar eða stuttar þær eru, þá geta þær verið dvalarstaður drullu og baktería. Það þarf því að þvo þær vel og þá sérstaklega undir þeim.
Margir telja eflaust að fótleggirnir fái nægan þvott þegar sápan rennur niður eftir þeim en það er ekki rétt að sögn Caudle.
Það sama á við fæturna og hvetur Caudle fólk til að gefa sér tíma til að skrúbba með vatni og sápu á milli tánna.
