Þetta gerðist þann 16. ágúst 1980 í Whiston á Englandi. Maður, sem var að viðra hundinn, sinn fann þá illa á sig komna undir dýnu á víðavangi. Þeim hafði verið misþyrmt hrottalega. Þeir voru fluttir beint á sjúkrahús en ekki tókst að bjarga lífi þeirra.
Drengirnir höfðu verið saman allan daginn og borðuðu kvöldmat saman heima hjá Gary.
Lögreglumenn komu fljótt á vettvang og handtóku fljótlega mann sem þeir töldu hafa ráðist á drengina. Hann var síðar ákærður en var sýknaður af morðákærunni þegar dómstóll í Liverpool tók málið fyrir. Enn þann dag í dag hefur enginn verið sakfelldur fyrir morðin að sögn Metro.
Debbie Turell, systir John, var tveggja ára þegar bróðir hennar var myrtur. Hún hefur barist fyrir því alla tíð að réttlætið nái fram að ganga í málinu og ræddi við ECHO nú þegar 44 ár eru liðin frá þessum hryllilega verknaði.
„Ég man ekki eftir John, svo minningar mínar um hann byggjast á því sem fólk hefur sagt mér. Hann var vanur að syngja fyrir mig fylgja mér eftir til að tryggja að ég meiddi mig ekki. Hann vakti yfir mér þegar við fórum á ströndina eða eitthvað annað. Mamma dó 2021 og það var sárt. Það var enn sárara að hún lifði ekki til að sjá réttlætið ná fram að ganga. Mamma Gary er á níræðisaldri, pabbi er á áttræðisaldri og það er skelfilegt að hugsa til þess að þau ná kannski ekki að sjá réttlætið ná fram að ganga,“ sagði hún.
