Í stórri klínískri tilraun í Suður-Afríku og Úganda kom í ljós að nýtt lyf, lenacapavir, sem kemur í veg fyrir smit af völdum HIV-veirunnar virkar vel en það sýndi 100% virkni hjá ungum konum.

Live Science hefur eftir Linda-Gail Bekker, sem sá um Suður-Afríkuhluta tilraunarinnar, að 5.000 konur hafi tekið þátt í tilrauninni. Lenacapavir og tvö önnur lyf voru gefin.

Lenacapavir er komið fyrir undir húðinni og þarf að fá nýjan skammt á sex mánaða fresti.

Rannsakað var hvort lenacapavir sé öruggt lyf og veitti konum á aldrinum 16 til 25 ára betri vörn gegn HIV-sýkingu en Truvada F/TDF. Einnig var rannsakað hvort lyfið Descovy F/TAF færi jafn áhrifaríkt og F/TDF.

2.134  konur fengu lenacapavir gegn HIV og reyndist lyfið veita 100% vörn.  1,5% þeirra kvenna sem fengu Truvada F/TDF og 1,8% þeirra sem fengu Descovy F/TAF fengu veiruna.

Bekker sagði að þetta veki góðar vonir um að búið sé að finna lyf sem kemur í veg fyrir HIV-smit.