Mál hennar er nú fyrir rétti í Bretlandi að sögn BBC en dómur hefur ekki enn verið kveðinn upp. Abreu játaði sök fyrir dómi á mánudaginn.
Saksóknari segir að hún hafi algjörlega brugðist því trausti sem almenningur hafði til hennar sem fangavarðar.
Í myndbandinu sést Abreu, sem er í einkennisfatnaði fangavarðar, í fangaklefa þar sem hún stundar kynlíf með fanga á meðan annar fangi tekur kynlífið upp og reykir.
„Svona gerum við þetta í Wandsworth,“ segir upptökumaðurinn á upptökunni.
Wandsworth er nafnið á fangelsinu sem Abreu starfar í, eða kannski öllu heldur starfaði í því erfitt er að sjá að hún eigi afturkvæmt til starfa þar. Fangelsið er eitt hið stærsta í Bretlandi en þar er pláss fyrir 1.562 fanga.
Breskir fjölmiðlar segja að Abreu sé þrítug, gift og stundi makaskipti. Þess utan hefur hún verið með í sjónvarpsþáttunum „Open House“ en í þeim hittast pör og prófa sig áfram með opin sambönd.